DONG

DONG — Vetnam pul birligi. 1946 yildan Vetnam demokratik Respublikasida muomalaga kiritilgan. 1 Dong =10 Xao (1 Xao = 100 Su). 1955-78 yillarda Shimoliy Vetnam va Jan. Vetnamda alohida-alohida yangi Dong muomalada bo’ldi. 1978 yildan Vetnamning yagona pul birligiga aylandi. Xalqaro ifodasi VND. Xalqaro valyutalar kursi bo’yicha 1 AQSh dollari =15075,8 Dong (2002, yanvar).

DONG -1) dinor yoki dirhamiing 1/6 ga teng og’irlik o’lchovi va shu vazndagi aqcha; 2) tarixiy manbalarda uchraydigan va qiymati bo’yicha gozning 1/6 iga teng bo’lgan o’lchov birligi. Agar gaz o’rtacha 71 santimetr bo’lsa, 1 Dong = 1/6 gaz = = 1/6- 71 santimetr =11,83 santimetr bo’ladi. Gazning boshqa o’lchamlari qo’yilsa Dongning qiymati ham o’zgaradi; 3) yuza o’lchov birligi; juda qadimdan O’rta Osiyoda asosan erning yuza o’lchov birliklari 1/6 tanobi va 1/6 jariblarni belgilashda qo’llanilgan. 1 gaz 71 santimetr deb olinsa, 1 tanob = 1 jarib = 1814,76 metr kvadrat bo’ladi. Bu holda 1 Dong =1/6 tanob =1/6 jarib = 1814,76 m2/6 = 302,46 m2.