ECHKISOQOL

ECHKISOQOL — murakkabguldoshlar oilasiga mansub bir yoki ikki yillik o’tlar turkumi. O’zbekistonda Echkisoqolning bir yillik Krasheninnikov, ko’p yillik Malik, ikki yillik Vvedenskiy, Ikki yillik Turkiston, ikki yillik kallakdor turlari o’sadi. Ko’p yillik Malik Echkisoqolining bo’yi 30-60 santimetr, poyasi ba’zan shoxlangan. Pastki barglari qalaminashtarsimon, eni 5-15 millimetr. Aprel— iyun oylarida gullab urug’laydi. Gullari qizil. Adir va tog’zonalarida o’sadi, begona o’t tarzida ekinzorlarda uchraydi.