ELEKTRLI SKATLAR

ELEKTRLI SKATLAR— tog’ayli baliqlar turkumi. 3 oilasi, 30 dan ortiq turi ma’lum. Asosan, Janubiy dengizlarda tarqalgan. Oddiy Elektrli skatlar Atlantika okeanining Sharqiy qismi va O’rta dengizda uchraydi. Tanasi 1,8 metrcha, og’irligi 90 QG cha. Gavdasi dumaloq, dum suzgichi qisqa, terisi silliq. Elektr toki (70 V gacha) hosil qiluvchi organi boshi bilan ko’krak suzgichlari oralig’ida. Elektrli skatlar kam harakat, odatda, qum yoki balchiqqa qisman ko’milib, suv tubida yashaydi. Tuxumdan tirik tug’ib ko’payadi. Qisqichbaqasimonlar, mollyuskalar, chuvalchanglar va mayda baliqlar bilan oziqlanadi. O’z o’ljasini elektr toki razryadi ta’sirida o’ldiradi. Elektr razryadi odam uchun ham xavfli.