EMPIRIZM

EMPIRIZM (Yunoncha etreta — tajriba) — falsafiy oqim; hissiy tajribani bilishning birdanbir manbai deb hisoblaydi. Rasionalizmga qarama-qarshi turadi. Tajribani, hissiy bilishni mutlaqlashtirish, rasional bilish (tushunchalar, nazariyalar) ahamiyatini pasaytirish Empirizmga xos jihatlardir. Empirizm yaxlit gnoseologik kontsepsiya sifatida 17—18-asrlarda shakllandi (F.Bekon, T. Gobbs, J.Lokk, J.Berkli, D.Yum); Empirizmning ayrim belgilarini pozitivizm, neopozitivizm (mantiqiy Empirizm)da ko’rish mumkin. 19-asrda Empirizmning asosiy vakili sifatida ingliz faydasufi E.S.Milltanildi. Hozirgi zamon fizikasi Empirizmning mantiqiy yo’nalishiga tayanadi.