FALASTIN OZODLIK TASHKILOTI

FALASTIN OZODLIK TASHKILOTI (FOT) — 1964 yil 28 mayda tuzilgan. Quddus shahrida va Arab mamlakatlarida quvg’inda bo’lgan barcha Falastin arablarining vakolatlarini ifoda etgan tashkilot. Oliy organi — Falastin Milliy kengashi ijroiya qo’mitasi. Tashkilot rahbarligiga Ahmad Shukeyri saylangan. FOT ijroiya qo’mitasining keyingi raislari Yosir Arafot (1969-2004), Mahmud Abbos (2004 yildan). FOTning asosiy maqsadi «demokratik va dunyoviy Falastin davlati»ni tuzishdir. 1974 yil oktabrda Arab davlatlari boshliklarining Rabot shahri (Marokash)dagi anjumanida «FOT — Falastin Arab xalqining yagona qonuniy vakili» degan qaror qabul qilingan. Tashkilotning asosiy maskani Livanda joylashgan bo’lib, 1982 yil Isroilning bu mamlakatga hujumidan so’ig qarorgohi Tunis shahriga ko’chirildi. Hozir esa Ramallohda. FOT quvg’indagi Falastin arablarini azaliy eriga qaytarish, ularning qonuniy xuquklarini tiklash, mustaqil Falastin davlatini tuzish borasida kurash olib bormoqda. Temur G’iyosov