FOKUS

FOKUS (matematikada) — 1) ikkinchi tartibli egri chiziq (ellips, giperbola, parabola) ning fokusi ushbu egri chiziq tekisligidagi shunday G’ nuqtani, unda egri chiziqdagi har qanday nuqta bilan G’orasidagi masofaning direktrisagacha bo’lgan masofaga nisbati o’zgarmas va bu nisbat ekstsentrisitetiga teng; Fokus ikkinchi tartibli chiziklarning optik xossalarini ifodalashda muhim o’rin tutadigan nuqta. «Fokus» terminini 1609 yil nemis olimi I.Kepler kiritgan; 2) differentsial tenglamalar nazariyasida Fokus differentsial tenglamalar maxsus nuqtalarining bir turi. Bu nuqtadan o’tuvchi integral egri chiziqlar o’ramlari soni cheksiz bo’lgan spirallardan iborat.