FOMENKO IVAN IVANOVICH

FOMENKO IVAN IVANOVICH (1904.13.4, Samara 1985.1.3, Toshkent) —pianinochikontsertmeyster, pedagog. O’zbekiston xalq artisti (1967). Toshkent davlat musiqa bilim yurtini tugatgan (1931). 1920 yildan Toshkentda. Dastlab kinoteatrlar (ovozsiz kino seanslari) da, keyinchalik O’zbek davlat Estrada va tsirk birlashmasida (1924-36) pianinochi, O’zbek davlat filarmoniyasida kontsertmeyster (1936-72), Toshkent konservatoriyasida doysent (1972 yildan). 2-jahon urushi davrida Tamaraxonim ansambli kontsertlarida qatnashgan. O’zbek adabiyoti va san’ati dekadalari (Moskva, 1937, 1951) ishtirokchisi. Chet el gastrollarida bo’lgan.