Gineya

Gineya (inglizcha guinea)-ingliz oltin tangasi, ilk bor 1663 yili Gvineyadan keltirilgan oltindan so’qilgan (norasmiy nomi shundan). Qirol Karl II (1660-1685)ning farmoni bilan Gineyaga qirollikning asosiy tangasi maqomi berilgan. U 21 shillingga teng etib belgilangan. Bu mashina yordamida zarb etilgan ilk ingliz tangasi edi. Barcha Gineyalarning vazni 8,3-8,5 gramm (oltin miqdori 90%), diametri 25-27 millimetr atrofida bo’lgan. Ko’pincha Gineyalarda muhim tarixiy voqealar aks ettirilgan.