G’OZOYOQ

G’OZOYOQ — soyabongullilar oilasiga mansub ikki yillik o’tsimon o’simlik turi. Bo’yi 40-60 santimetr, poyasi o’rta qismidan keng ro’vaksimon shoxlangan. Yaproqlari dumaloq-uchburchaksimon, uch bo’lakli, bo’lakchalari qalami nashtarsimon, gullari ko’p nurli soyabonlarga yig’ilgan, soyabonchalari 10-12 gulli. Gultojlari oq, may-iyun oylarida gullab, urug’laydi. Partov yerlar, ariq, kanal, daryo bo’ylarida va bog’larda, sug’oriladigan ekinlar orasida o’sadi.