KAKLIKO’T

KAKLIKO’T, tog’jambil, toshcho’p (Thymus zeravschanicus) — yalpizdoshlar (labguldoshlar) oilasiga mansub ko’p yillik o’t. Bo’yi 15 santimetrcha. Toshloq yerlarda, tog’yon bag’irlarida o’sadi. Iyun—avgustda gullab, sentabrda urug’laydi. Maysaligida ziravor sifatida ovqatga ishlatiladi. Yer ustki qismidan farmasevtika va atir-upa sanoatida ishlatiladigan efir moyi olinadi. Gullagan davrida efir moyi ko’p to’planadi.