KALIFORNIYA UNIVERSITETI

KALIFORNIYA UNIVERSITETI -AQShdagi yirik oliy o’quv yurtlaridan biri. 1868 yil Oklendda (San- Frantsisko yaqinida) Kaliforniya kolleji (1855) negizida ochilgan. Berkli, Deyvis, Los-Anjeles, Riversayd, San- Frantsisko va boshqa shaharlarda kampuslar (universitet shaharchalari) bor. Ayrim kampuslar yirik ilmiy markazlardir. Turli ixtisosliklar bo’yicha mutaxassislar tayyorlaydi. 10 mingdan ortiq talaba ta’lim oladi. Kutubxonalarida 10 milliondan ortiq asar saqlanadi.