KANNA KIYIK

KANNA KIYIK (Taurotragus oryx) -kuvushshoxlilar oilasiga mansub juft tuyoqli sut emizuvchi hayvonlarning bir turi. Gavdasining uzunligi 3,5 metr, yag’rinidan 1,8 metrgacha, og’irligi 900 kilogrammgacha. Dumi 60 santimetrgacha, uchi popukli. Shoxlari uzun, burama, tomog’ida teri burmasi bor. Juni och kulrang, sarg’ish, Kanna kiyik Sharqiy va Janubiy Afrikada tarqalgan; gala bo’lib yashaydi. O’tlar, daraxt va butalar bargi bilan oziqlanadi. Bo’g’ozlik davri 8,5—9 oy, bitta bola tug’adi. Go’shti va terisidan foydalaniladi.