KOGEZIYA

KOGEZIYA (lotincha cohaesus — yopishgan, birikkan) — bir xil jinsli qattiq yoki suyuq jismlarning molekulalararo ta’sirlashuvi natijasida yaxlit jism bo’lib birikishi. Molekulalararo masofa oshgan sari Kogeziya kuchi keskin kamayadi, u gazlarda juda kichik, qattiq jismlarda yetarlicha katta. Kogeziya jismning mustahkamligini ifodalaydi. Qattiq jism parchalanganda (burg’ilanganda, maydalanganda) yoki suyuqliklar sochilganda, Kogeziyaga teskari jarayon sodir bo’ladi.