Neofashizm

Neofashizm (neo… va italyancha fascismo, fascio-bog’lam, tutam, birlashma so’zlaridan)-hozirgi o’ng tajovuzkor harakatlarni anglatuvchi tushuncha. 2-jahon urushidan keyin tarqatib yuborilgan fashist tashkilotlarining siyosiy va g’oyaviy izdoshlari faoliyatini ifodalaydi. Neofashist guruhlari va partiyalari terroristic diktaturaga intiladi. Bu yo’lda ular siyosiy manfaatlari mos tushgan hukmron doiralar bilan yaqin aloqada bo’ladi. Neofashizm ashaddiy shovinizm, irqchilik va jaholatparastlik g’oyalariga suyanadi. Hozirgi davrda bunday kayfiyatdagi guruhlar turli mamlakatlarda paydo bo’lmoqda (masalan, Angliyada, “Milliy front”, Gollandiya, Belgiya, Skandinaviya mamlakatlari, AQSh, Rossiya va boshqa davlatlarda).