Рубрика: N harfiga oid qurilish atamalari

Nutromer – ichki diametr yoki ikki sirt orasidagi masofani o’lchash uchun asbob (qurilma).

Nusxa – boshqa bir ob’yekt namunasidan ko’chirib yaratilgan, takrorlovchi, uning ko’rinishi va boshqa xususiyatlarini qaytaradigan.

Nurli (shu’lali, nurafshon, yorug’) – yorqin nurlar taratayotgan.

Nurash – fizikaviy, kimyoviy va organik omillar ta’sirida yer yuzasida mineral va jinslarning o’zgarishi va buzilishi jarayoni. Masalan: tog’ jinslarining nurashi.

Nur tarqatgich (nurlangich) – yorug’lik, issiqlik yoki tovush energiyasini uzatuvchi. Masalan: infraqizil nurlangich.

Nur tarqatish (nurlanish) – to’lqin yoki zarralar deb ta’riflanishi mumkin bo’lgan bir joydan ikkinchi joyga o’tadigan energiya. Masalan: lyuminespentsiyaga oid nurlanish, issiqlik nurlanishi, ultrabinafsha nurlanish va hokazolar.

Nur (yorug’lik) o’tkazmaslik – o’zidan yorug’lik o’tkazmasligi.

Nur (yorug’lik) – fizik optikada inson ko’zi tomonidan qabul qilinadigan elektromagnit nurlanish.

Nuqtali, yong’indan xabar bergich (tutundan, issiqdan) – kichik hududda yong’in omillarini sezuvchi yong’indan xabar bergich.

Nuqtavor – nuqtalar asosidagi tuzilgan naqsh.