Ryuytel Arnold Fyodorovich

Ryuytel Arnold Fyodorovich (1928.10.5, Saarema uezdi) — Estoniya davlat arbobi. Estoniya qishloq xo’jalik akademiyasini tugatgan (1964). Qishloq xo’jalik fanlari doktori. Mehnat faoliyati 1949 yildan boshlangan. Estoniya chorvachilik va veterinariya ilmiy tadqiqot institutining tajriba bazasida bosh zootexnik, shu institut direktori o’rinbosari (1957-63), «Tartu» sovxozi direktori (1963-69), Estoniya qishloq xo’jalik akademiyasi rektori (1969-77). Estoniya KP MK kotibi (1977-79), Estoniya Vazirlar Kengashi raisining 1-o’rinbosari (1979-83), Estoniya Oliy Kengashi Prezidiumi (1983-90), Estoniya Oliy Kengashi (1990-92) raisi. 2001 yil sentabrdan Estoniya Respublikasi Prezidenti. Shuningdek, Jahon «yashil xoch» tashkilotining Estoniya bo’limi va «Estoniya sohili va dengizi» harakati raisi.