Shreder ertagisi

Shreder ertagisi (chillakisi) xo’raki uzum navi. Sharqiy ekologik-geografik navlar guruhiga kiradi. Bog’dorchilik, uzumchilik va vinochilik ilmiy tekshirish institutida erkin changlangan duragay urug’lardan olingan nihollardan tanlab chiqarilgan (M.M. Mirzaev). Akademik R.R. Shreder sharafiga uning nomi bilan atalgan. Tupi kuchli o’sadi. Guli ikki jinsli. Uzum boshlari yirik (400-450 grammgacha), keng konussimon, o’rtacha tig’iz. G’ujumlari yirik (1820 millimetr) ovalsimon, ba’zan uchi yo’g’onlashgan, to’q qizil, uchi binafsharang, eti tig’iz, karsillaydi, mayin, xushbo’y, mazali. Tarkibida qand miqdori 18-19%, nordonligi 6-8%. iyul boshlarida pishib etiladi. Hosildorligi 120-150 ts/ga. O’zbekistonning barcha viloyatlarida ekiladi.