Tumor

Tumor -1) diniy tasavvurlarga kura, ko’z tegishidan, turli ofat, balo, insjins va shu kabidan saklaydigan buyum. T. ichiga Qur’on oyatlari bitilgan qog’oz hamda ilohiy qudratga ega deb bilingan narsalar solingan. Duo yozilgan qog’oz uch yoki to’rtburchak qilib buklab, charm yoki matoga o’rab tikilgan. T., odatda, bo’yinga, qo’ltiqqa, sochga taqiladi yoki kiyimning ichki qismiga tikib qo’yiladi; 2) ayollarning bo’yin va qo’ltiqlariga taqadigan taqinchog’i, bezagi. T. shakli bir-birining ustini qoplaydigan 2 bo’lak (quticha va qopqoq) dan iborat quticha bo’lib, asosan, qopqoq qismi bezatiladi. Tilla, kumush va b. metallardan uchburchak, to’rtburchak, naycha (tsilindr) shaklida yasalib sirti nakshlar bilan hamda qimmatbaho toshlar qadab bezatiladi, shokilalar osiladi. Taqilishi va shakliga ko’ra farqlanadi: bozuband, duotuzi, bo’yintumor, ko’krak T., qo’ltiq T. va b.