Xu Szintao

Xu Szintao (1942.25.12, Anxoy provintsiyasining Szisi uezdi) — Xitoy davlat arbobi. Xitoy KP a’zosi (1964). Pekin universitetini tugatgan (1965). Gansu provintsiyasidagi GES qurilishida mehnat faoliyatini boshlagan. 1974 yildan Gansu provintsiyasida qurilish bo’yicha partiya qo’mitasi kotibi, 1980 yildan partiya qo’mitasi raisi o’rinbosari, 1982 yildan Gansu provintsiyasi kommunistik yoshlar Ittifoqi qo’mitasi kotibi, 1984 yildan 1kotibi, 1985 yildan Guychjou provintsiyasi, 1988 yildan Tibet Muxtor rayoni partiya qo’mitasi kotibi. 1992 yil Xitoy KP MK siyosiy byurosi doimiy qo’mitasi va kotibiyat a’zosi etib saylangan. Xitoy KP MK huzuridagi partiya maktabi direktori (1993-2002), XXR raisi o’rinbosari (1998-2002), Xitoy KP MK harbiy kengashi raisi o’rinbosari, XXR Markaziy harbiy kengashi raisi o’rinbosari (1999-2002), raisi (2004 yildan). 2002 yil noyabrdan Xitoy KP MK Bosh kotibi. 2003 yil martdan XXR raisi, ayni vaqtda 2004 yil sentabrdan Xitoy kqurolli kuchlari Bosh qo’mondoni. Rasmiy tashrif bilan 2004 yil O’zbekistonda bo’lgan.