AJNOS

AJNOS (Arabcha — jins so’zining ko’pligi — jinslar) — Sharq musiqa nazariyasida to’rt va besh pog’onali tovush-atorlar — tetraxord va pentaxordlar. Ajnosning bir necha turi bor. Ajnosi zulmaddatayn — ikki «modda» (katta sekunda) ni o’z ichiga olgan jinslar; ularga bitta kichik sekunda qo’shib, jinslarning ma’lum turlari hosil etiladi. Ajnosi qaviya — qattiq jinslar; ajnosi layyina — yumshoq eshitiladigan jinslar; ajnosi muloyima — yoqimli eshitiladigan jinslar; ajnosi mufrad a — yakka jinslar, ya’ni mustaqil ishlatiladigan jinslar.