ALEKSANDRIYA MUSKATI

ALEKSANDRIYA MUSKATI – xuraki, urtapishar mayizbop va vinobop uzum navi. Vatani Arabiston yarim oroli. O’zbekistonda rayonlashtirilgan. Qrimda va Gruziyada keng tarqalgan. Tupi kuchli o’sadi, bargi o’rtacha, besh bo’lakli, cheti arra tishli. Guli ikki jinsli. Uzum boshi o’rtacha (bo’yi 22 santimetr, eni 12 santimetr), tsilindrsimon, og’irligi 280 grammgacha. G’ujumi o’rtacha, dumaloq yoki bir oz cho’ziq, sarg’ish yashil, xushbo’y, tarkibida 24-26% qand bor. Faol harorat yig’indisi 2800°-2900° bo’lganda 140— 150 kunda (sentabr oxirlarida) pishadi. Hosildorligi 150-180 tsentner/ gektae. Dog’li antraknozta, sovuqqa chidamsiz. Toshkent, Xorazm viloyatlari va Qoraqalpog’istonda o’stiriladi.