ANDREYEVA OLGA ILINICHNA

ANDREYEVA OLGA ILINICHNA (1890.29.5-1970.15.2, Moskva)- O’zbekiston xalq artisti (1952). 1938 yildan Toshkentdagi rus drama teatrida ishlagan. Asosiy rollari: Betsi (L. N. Tolstoy, «Ma’rifat mevalari»), Anna Andreyevna (N. V. Gogol, «Revizor»), Kseniya, Vasilisa (M. Gorkiy, «Yegor Bulichev va boshqalar», «Tubanlikda»), Katerina, Kruchinina (A. N. Ostrovskiy, «Momaqaldiroq», «Aybsiz aybdorlar»), Hamrobuvi (A. Qahhor, «Shohi so’zana), Hojar (Hamza, «Paranji sirlari»), Rixsi xola (B. Rahmonov, «Katta muhabbat») va boshqalar. Andereyeva sahna nutqiga, qahramonning ichki va tashqi qiyofasini yorqinroq ochishga alohida e’tibor bergan.