ANDROMEDA

ANDROMEDA — yunon miflarida Habashiston podshosi qizi. Otasi Andromedani mamlakatni vayron qilayotgan dengiz maxluqiga qurbonlikka beradi, biroq Andromedani Persey xalos etadi. Rivoyatlarga ko’ra, Andromeda vafotidan so’ng yulduz turkumiga aylangan (yulduz turkumi nomi shundan olingan).

ANDROMEDA — yulduz turkumi; osmonning shimoliy yarim sharida Persey va Pegas yulduz turkumlari orasida joylashgan. Uchta 2-kattalikdagi Ravshan yulduzi bor. Andromedada mashhur spiral galaktika — Andromeda tumanligi bo’lib, uni oddiy ko’z bilan ko’rish mumkin.