ANTROPOXORIYA

ANTROPOXORIYA (antropo … va Yunoncha choreo — tarqalish) — ba’zi o’simlik mevalari yoki urug’larining bir joydan ikkinchi joyga, hatto bir qit’adan ikkinchi qit’aga odam vositasida tarqalishi. Bunday tarqalish tasodifiy (kiyimga yoki ketmon, belkurak kabi mehnat qurollariga ilashib) yoxud ongli ravishda (o’simlikni boshqa joyda o’stirish maqsadida) bo’ladi. Bangidevona, igir kabi o’simliklar Osiyodan Yevropaga, kaktus shimoliy Amerikadan Avstraliyaga, apelsin Xitoydan boshqa mamlakatlarga, kartoshka Janubiy Amerikadan Yevropaga va u orqali O’rta Osiyoga, jumladan, O’zbekistonga ham tarqalgan.