ARABI

ARABI — 1) qora rangli Qorako’l qo’y zoti. Qo’zilari qora rangda tug’iladi va bir yoshga kirganda jun qoplami rangida o’zgarish boshlanadi. Dastlab qizg’ishsariq, 2 — 3 yoshda esa och kulrang va oq rangga kiradi. Qorako’l qo’ylarining 90 — 95% ini Arabi qo’ylari tashkil etadi. Sifatli, eng yaxshi teri beradi. 2 — 3 kunlik qo’zilari Qorako’l teri olish uchun so’yiladi (bu davrda teri jingalaklari va gullari aniq, chiroyli bo’ladi, 3 — 4 kun o’tgach gullardagi aniqlik, mayinlik jun tolalari o’sishi hisobiga yo’qolib boradi). Arabi qo’ylarning ham odatdagidek me’yorda, ya’ni bir yilda 2 marta juni qirqilib, 2,2 — 2,6 kilogramm jun olinadi; 2) qora rangli Qorako’l teri.