ARXIMITSETSIMONLAR

ARXIMITSETSIMONLAR (Archimycetes) — gifi (tanasi) bo’lmagan yoki juda sust rivojlangan tuban zamburug’lar sinfi. 350 ga yaqin turi bor. Asosan bir hujayrali va bir yadroli organizmlar, zoospore orqali ko’payadi, faqat ayrim turlarigina rivojlanishning boshlang’ich davrlarida ikki yadroli bo’ladi, ba’zi turlari izogametalarning qo’shilishi (kopulyasiya) yo’li bilan urchiydi. Arximitsetsimonlar juda mayda, uni mikroskopda ko’rish mumkin. Bu sinfga mansub zamburug’lar asosan suvda yoki nam joylarda o’sadigan suvo’tlar va yuksak o’simlik (masaalan, karam, kartoshka va boshqa) larda parazitlik qiladi, o’simliklarning kasallanishi va chirishiga sabab bo’ladi.