ASALXO’R

ASALXO’R (Mellivora capinsis) — suvsarlar oilasiga mansub sut emizuvchi hayvon. Tanasining uzunligi 68 — 75 santimetr, dumi 17 — 20 santimetr. Oyoqlari kalta, panjalari keng bo’lib, kuchli tirnoqlari yerni kovlash uchun moslashgan. Junlari siyrak va qattiq. Tanasining pastki tomoni qora-oq, ustki tomoni oqish. Afrika, Old, O’rta va Jan. Osiyo (Hindiston)da tarqalgan. O’rta Osiyoda Turkmaniston Janubida uchraydi. Uyada hayot kechiradi, 3 — 4 ta bola tug’adi. Mayda umurtqalilar va hasharotlar, jumladan arilar va asal bilan oziqlanadi. Juda noyob, kam o’rganilgan, muhofaza qilinadi.