ATAKAMA

ATAKAMA — Janubiy Amerikadagi cho’l, Chilining shimolida. Tinch okean sohili bo’ylab, 22-27° janubiy qutb orasida, taxminan 1000 kilometrga cho’zilgan. Dengiz sathidan 500 metrdan 2000-3200 metrgacha balandlikda joylashgan. Dunyodagi eng qurg’oqchil joylardan biri. Iqlimi tropik passatli iqlim. Peru oqimi ta’siri sababli nisbatan sovuq. Yanvarning o’rtacha temperaturasi dengiz bo’yida 19-20°, iyulniki 13— 15°. Bo’ylama vodiyda esa, yanvarning o’rtacha temperaturasi 22-23° va iyulniki 11-12°. O’rtacha yillik yog’in miqdori 50 millimetr (10-12 yillab yog’in tushmagan vaqtlar ham bo’ladi). Loa daryosi kesib o’tadi. O’simlik kam (kaktus, mimozalar), sho’rxoklar ko’p. Mis va selitra konlari bor. Hayvon turlari kam. Tulki, qalqondorlar, toshbaqalar uchraydi.