Barchaga mashhur «Tom va Jerri» tarixi

Mushuk Tom va sichqon Jerrining o’zaro munosabatlari haqidagi mashhur animatsion serial 1940-yilda animatorlar Uilyam Hanna va Jozef Barbera tomonidan yaratilgan. Keyinchalik Hanna Barbera studiyasi yaratilgan.

Multserial 1940 yildan 1958 yilgacha Gollivudning MGM studiyasi tomonidan ishlab chiqarilgan. 1961 yilda MGM studiyasi multfilm ishlab chiqarish huquqini Jin Deych rahbarligidagi Parijning Rembrandt Films studiyasiga sotadi. Rembrandt Films chiqargan 13 ta seriya multfilm tarixidagi eng omadsiz seriyalar deb tan olingan.