Bo'lim: G harfiga oid geografiyaga oid ensiklopedik atamalar

Geografik kenglik – biron joyning ekvatordan qancha daraja uzoqda ekanligini ko`rsatadigan miqdor. Geografik kenglik meridian bo`ylab ekvatorning har ikki tomoniga qarab 0 darajadan 90 darajagacha hisoblanadi va ekvatordan shimoldagi kengliklar … Batafsil

Geobotanika (yunoncha ge – yer va fiton – o`simlik) – yer yuzida o`simlik turkumlarining qonuniyatlarini o`rganadigan fan. U fitotsenologiya, ekologiya va o`simliklar geografiyasi kabi bo`limlardan iborat.

Galofitlar (yunoncha gals-tuz, fiton – o`simlik) – sho`r tuproqlarga moslashgan o`simliklar. O`rta Osiyodagi sho`rxok cho`llar o`simliklari – shiradoshlar oilasiga kiruvchi oqsaksovul, cherkez, qorabaraq, sarsazan, boyalish, cho`g`on, kumarchik, ebalak, qorasho`ra va … Batafsil

Galereyali o`rmonlar – o`rmonsiz joylar, ya’ni dasht, preriya, savanna va cho`llardagi daryolar bo`ylab kambar polosa shaklida cho`zilib ketgan o`rmonlar. Afrika va Janubiy Amerika savannalarida oqadigan daryolar bo`yidagi tropik o`rmonlar tipik … Batafsil

Gaza – tog`larda va tog` oldi qirlarida relyefda bo`rtib turtib chiqqan tog`, tog` tepasi, alohida tepa. Samarqand, Jizzax, Surxondaryo, Qashqadaryo viloyatlari tog`li tumanlarida ko`p qo`llaniladigan geografik atama.

Gazoprovod, gaz quvuri – yonuvchi gazni olinadigan joyidan iste’mol qilinadigan joyigacha trubalar (quvurlar) orqali olib borish uchun quriladigan inshoot. Masalan, Jarqoq-Buxoro-Samarqand-Toshkent.

Gavan (gollandcha gaven) – dengizning tulqin, shamol va oqimlardan to`silgan va kemalar turadigan qirg`oqqa yaqin qismi.

Gorizont tomonlari— gorizontning to`rtta asosiy – shimol, janub, sharq, g`arb tomonlari.

Glauber tuzi (nemis olimi Glauber nomidan), mirabilit – mineral. Mayda ignasimon kristall holida uchraydi. Rangsiz, shaffof, shishasimon yaltiroq, solishtirma og`irligi 1,48. Mazasi taxir, sho`r. Qorabo`roz-Go`l qo`ltig`i glauber tuzining dunyoda eng … Batafsil

Gilvata – dengiz va okean tublarida vulkan kullari hamda suv oqizib kelgan gillarning ishqorli muhitda o`zgarishidan hosil bo`lgan gil. Tabiatda oq, yashil, kul rang, qo`ngir va boshqa ranglarda uchraydi. Yumshoq, … Batafsil