Bo'lim: I harfiga oid iqtisodiy ensiklopedik atamalar

INFLYATSION SOLIQ – hukumatning tovarlar va xizmatlami sotib olishi uchun zarur mablag’larni to‘plash, budjet taqchilligini moliyalashtirish uchun, pul taklifini oshirish yo’li bilan aholining pul mablag’larini bilvosita olishi tushuniladi.

INDUSTRIYALASHTIRISH – mamlakat iqtisodiyotini sanoatlashgan asosga o’tkazish, iqtisodiyotda sanoat ishlab chiqarishi ulushini ahamiyatli darajada ko’paytirish, butun iqtisodiyot yoki uning alohida tarmoqlarida yirik mashinalashgan ishlab chiqarishni barpo etish jarayoni.

INDUSTRIYA – industriya, sanoat, og‘ir sanoat sohasi. Masalan, mashinasozlik, metallurgiya sanoati.

INDOSSATSIYA QILISH – qimmatli qog’oz, veksel, chek va shu kabilar bo’yicha huquqni boshqaga o’tkazib qo’yish.

INDIVIDUAL TOVARLAR VA XIZMATLAR – Davlat boshqaruv idoralari sektori tomonidan alohida olingan fuqaroning yakuniy iste’moli uchun bepul beriladigan xizmatlar va tovarlardan iborat.

INDIVIDUAL TOVAR YOKI XIZMAT – shunday tovar yoki xizmatki, ular uy xo’jaliklari tomonidan muayyan uy xo’jaligi a’zolarining ehtiyoj va xohishlarini qondirish uchun xarid qilinadi.

INDEKSLAR DINAMIKASI – indeksning miqdor jihatidan o’sishi yoki pasayishi.

INDEKSLAR – jahon fond bozori konyunkturasini tavsiflovchi fond indekslari.

INDEKSATSIYA – iqtisodiyotdagi narxlarning o’rtacha darajasi o’zgarishiga bog’liq ravishda ish haqi va boshqa daromadlarni tuzatish, kelishtirish.

INDEKS USULI – ishbilarmonlik aktivligining fond indekslari yordamida tendensiyalarni kuzatish.