Bo'lim: J harfiga oid tarixga oid ensiklopedik atamalar

Jamog’a (arabcha, turkcha)-Qo’qon xonligi va Buxoro amirligida xon va amir majlisiga da’vat etilganlarni yig’ib berishga mas’ul amaldor.

Jallod (arabcha-darra uruvchi)-tan jazosi va qatlni ijro etuvchi shaxs. Jallod atamasi O’rta Osiyoda arablar kelgandan so’ng paydo bo’lgan. Jallod hukmdorlarning gunohkor kishilarni darra bilan urish, bo’g’ib, bo’g’izlab, boshini tanasidan judo … Batafsil

Jallob (arabcha)-savdogar, olibsotar. Asosan, chorva mollari, shuningdek, tuya va yilqi bilan savdo qilgan. Ular Turkiston shahar va viloyatlariga borib, chorva mollarini arzonga olib, mol kam hamda qimmat bo’lgan bozorlarda foydasiga … Batafsil

Jak (fransuzcha Jasques bon homme-ayni ma’nosi to’pori Jak)-go’l, o’rta asrlar Fransiyada feodallar tomonidan dehqonlarga qo’yilgan istehzoli laqab. 1358 yili Fransiyada ko’tarilgan Jakeriya qo’zg’oloni nomi shundan olingan.

Jazba (arabcha-tortish)-tasavvuf ta’limotida Alloh Taolo o’zi sevgan bir bandasini tortishi, darajasini yuksaltirishi.

Javshan (forscha-sovut, zirh)-qadimda va o’rta asrlarda jangchining badanini jarohatlanishdan saqlash maqsadida kiyiladigan sovutning nisbatan og’ir turi. Dastlabki vaqtlarda u jez (bronza)dan, keyinchalik temir va po’latdan ishlangan. Javshan bargsimon temir parchalaridan … Batafsil

Javmak (turkcha)-Temur va temuriylar davrida harbiy va ahli davlat xodimlariga beriladigan moyana.

Javza (forscha)-qadimgi og’irlik o’lchovi Qiymatlari: 1) Javza=1 misqol/drahmiy. Agar misqolning 4,25-5 grammga, drahmiyning 3,3105-4,25 grammga tengligi hisobga olinsa, 1 Javza 7 gramm-0,57 grammga to’g’ri keladi. Javzaning shoh Javzasi ham bor, … Batafsil

Jav (forscha-arpa)-og’irlik o’lchovi; 0,045 grammga teng bo’lgan.

Jabg’u, Yabg’u (turkcha)-1) kushonlar davrida oliy unvonlarda biri; 2) Turk xoqonligida qag’an va tegin (xonzoda, taxt vorisi) kabi ma’muriy-harbiy mansablardan keyin turadigan unvon. Harbiy sarkarda sifatida qo’shinning o’ng qanotiga sardorlik … Batafsil