Bo'lim: K harfiga oid fuqarolik jamiyatiga oid ensiklopedik atamalar

KVAZIDEMOKRATIYA (lot. kvaci – soxta va demokratiya) — soxta tarzda ko’rsatiluvchi demokratik rejim. Kvazidemokratiyada demokratik prinsiplar rasman o’rnatilgan bo’lsada, lekin unga birinchi navbatda siyosiy elitaning o’zi amal qilmaydi. Bunday rejimda … Batafsil

KORTESLAR (isp.) — Ispaniya (1911-yilgacha Portugaliya)da qonunchilik yig’ini.

KONSTITUTSIYAVIY MONARXIYA — monarxiya boshqaruv shaklining alohida turi. Unda monarx hokimiyati konstitutsiya bilan cheklangan bo’ladi, saylab qo’yiladigan qonunchilik organi – parlament va mustaqil sudlar bo’ladi. Hozirgi vaqtda Konstitutsiyaviy monarxiyaning ikki … Batafsil

KONSTITUTSIYAVIY INQIROZ — jamiyatning bosh qonuni – konstitutsiya harakat faoliyatini to’xtatib qo’yilishi bilan bog’liq bo’ladi. Avvalgi konstitutsiya o’z legitimligini yo’qotadi va uni qayta ko’rib chiqish talab qilinadi.

KONSTITUTSION BURCH — fuqorolarning konstitutsiyada belgilab qo’yilgan, fuqorolar bajarishlari shart bo’lgan majburiyatlari.

KONSTITUENTLAR (ing. conctituent – saylovchi) — bir butunning bir qismi. Siyosatshunoslikda yetakchi bilan fuqarolar o’rtasidagi o’zaro bir-biriga bog’liqlik sifatida ishlatiladi.

KONSOLIDATSIYA — mustahkamlash, kuchaytirish.

KONSERVATOR YETAKCHI — amerikalik politolog Robert Taker siyosiy yetakchilikning ajratib ko’rsatgan uch turidan biri. Konservator yetakchi jamiyatdagi munosabatlarni qanday bo’lsa – shunday saqlab qolishga qaratilgan faoliyat olib boradi.

KOMPANIYA (saylov kompaniyasi) — 1) saylov jarayonlarini bevosita ta‘minlashga qaratilgan tashkiliy, siyosiy, axborot, tashviqot tadbirlari biriligi; muayyan nomzod partiya g’alabasini ta‘minlashga qaratilgan tadbirlar tizimi. 2) qandaydir maqsadga qaratilgan ishchilar tadbirkorlar … Batafsil

KOMMUNIKATOR (lot. o’zagi communication – xabar) — axborot uzutishdagi vositachi.