Bo'lim: L harfiga oid qurilish atamalari

Lahim – yer ostidagi tor yo’l, bino, yo’l va boshqalar ostidagi yo’lak.

Lahad – go’r, qabrning jasad qo’yiladigan ichki qismi.

Lateks – (inglizcha: latex, nemischa: Latex m, Kautschukmilch f) dispers polimer zarralarinign suvli eritmadagi emulsiyalarining umumiy nomi.

Landshaftni rejalashtirish – atrof-muhitni, resurslarni ishlab chiqarish qobiliyatini saqlab qolish sharti bilan jamiyatning yoshga bog’liq yoki o’zgargan ehtiyojlarini qondirish uchun landshaftlardan foydalanish loyihasini ishlab chiqish.

Landshaftga antropogen ta’sirni boshqarish – inson faoliyatining landshaftga ta’sirining salbiy oqibatlarini maqsadli ravishda oldini olish, foydalanish rejimini tartibga solish orqali landshaftning resurs ishlab chiqarish qobiliyatini saqlab qolish.

Landshaft qulayligi – landshaftning inson yaxshi dam olishi, psixo-emotsional va funksional muvozanatni qo’lga kiritish ehtiyojlariga muvofiqligi darajasi; landshaftning odamlar hayoti uchun biotibbiyot va ijtimoiy-psixologik qulayligini shartli-baholash mezoni.

Landshaft imkoniyati – landshaftning jamiyatning turli ehtiyojlarini qondirishdagi ishtiroki darajasini aks ettiruvchi ijtimoiy-iqtisodiy funksiyalarning landshaft tomonidan bajarilishi mumkin bo’lgan o’lchovining tavsifi.

Landshaft bog’i (manzarali bog’) – 1) sun’iy ravishda, erkin rejada, tabiiy landshaftni qaytadan tiklash; 2) ko’pincha oromgoh ob’yekti sifatida foydalaniladigan xushmanzara tabiiy-antropogen landshaftning moyillashtirilgan qismi.

Langarcha – vertikal joylarda yog’och ustunlarga ko’tarilish uchun poyabzalga kiyiladigan temir boshoqlar turi (yoki boshqa qurilmalar).

Langar – 1) kemani bir joyda ushlab turish uchun mo’ljallangan tuzilmalardan biri; 2) cho’zmalar, ustunlar konstruksiyalarining tayanchlari, osma ko’priklar va boshqalarni biriktirish uchun yerga mahkam o’rnatilgan jihoz.