Bo'lim: M harfiga oid fuqarolik jamiyatiga oid ensiklopedik atamalar

MARKAZLASHUV — mahalliy bo’g’imlarning oliy hokimiyat organlariga bo’ysunishiga asoslangan boshqaruv tizimi. Butun tizim yagona markazdan boshqariladi. Hokimiyatdagi doimiy tendentsiyalardan biri.

MARIONETKA — ko’chma ma‘noda – o’zga qo’llarda ―qo’g’irchoq bo’lgan inson, hukumat, davlat.

MARGINAL GURUH — bir-birini istisno qiluvchi qadriyatlar, me’yorlar ta’siridagi, turli ijtimoiy guruhlar, tizimlar, madaniyatlar chegarasidagi odamlar guruhi. Barqaror yashash muhtiga ega bo’lmagan, madaniy va ijtimoiy-etnik bir xilligini yo’qotgan oraliq qatlamlar.

MARGINAL (lot. chet, chekka) — shaxs, ijtimoiy qatlam yoki guruh muayyan jamiyat uchun xos tuzilmalar, ijtimoiy-madaniy me’yorlar, siyosiy an’analar, xususiyatlarining ayrimlarini yoki barchasini yo’qotish. U aholi va individlarning jamiyat tarkibida … Read More

MANIKRATIYA (ing. money – pul) — hokimiyatning eng nufuzli va nozik turlarining biri bo’lgan pul hokimiyati.

MANIFESTATSIYA (lot. manifestatio – izhor qilmoq, namoyon qilmoq) — birdamlikni qo’llab-quvvatlashni yoki norozilikni ifodalash uchun ommaviy ravishda namoyish o’tkazish yoki yig’ilish o’tkazish tushuniladi.

MANFAATLAR ARTIKULYASIYASI — siyosiy qarorlarni qabul qilishga aloqador qatlamlarga talablarni yetkazish.

MANFAAT (siyosiy manfaat) — hokimiyat bilan bog’liq, subyekt (obyekt) hayotining ijtimoiy (moddiy, milliy siyosiy) sharoitlarini o’zgartirish (saqlab qolish) asosidagi ongli (anglangan) ehtiyoj.

MANDATLI TIZIM (ovoz berishning) — har bir nomzod bir nechta ovozga ega (o’zi taqdim etayotgan tashkilot soniga muvofiq) bo’lgan ovoz berish tizimi.

MANDAT KOMISSIYASI — deputatlar, s’yezd ishtirokchilari vakolatini tekshiruvchi komissiya.