Bo'lim: M harfiga oid fuqarolik jamiyatiga oid ensiklopedik atamalar

MOLIYA OLIGARXIYASI (yun. oligarhio – ozchilik hokimiyati) — eng yirik sanoat korporatsiyalari va banklar egalari guruhi, amalda mamlakat iqtisodiyotida, shuningdek, siyosiy hayotida hukmronlik qiladi.

MODEL (fr. modele – namuna) — tarh, nimanidir tasviri tavsifi.

MOBILLIK (lot. harakatchan) — stratifikatsiya nazariyalarida shaxs va guruhlarning maqomi o’zgarishi bilan bog’liq ko‗chishlar. Vertikal va gorizontal mobillik ajratiladi.

MOBILIZATSIYA — aholi uchun samarali rag’batlar topish yordamida ularni zaruriy o’zgarishlarga safarbar qilish, jalb etish.

MO’TADIL BURJUAZIYA — burjuaziyaning murosaga intiluvchi, muammolarni tinch yo’l bilan hal etish tarafdori, hukmron tabaqalar bilan kelishishga intiluvchi qismi.

MITING (ing. meeting – uchrashmoq, yig’ilishmoq) — muhim voqea, ko’pincha siyosiy masalalarni muhokama qilish uchun o’tkaziladigan ommaviy yig’ilish.

MISSIYA (lot. missio – jo’natmoq) — 1) muayyan topshiriq bilan boshqa mamlakatga yuborilgan vakillar; 2) bir davlatning boshqa davlatdagi (elchixonadan farqli ravishda) vakili tomonidan boshqariladigan doimiy diplomatik vakolatxonasi.

MINTAQAVIY IXTILOFLAR — mamlakatlar o’rtasidagi ixtiloflarning mintaqaviy darajada keskin shaklda namoyon bo’lishi. Ochiq qurolli to’qnashuvlarda, urush xavfi mavjudligida namoyon bo’ladi.

MIQDOR USULLARI — siyosiy obyektlar xususiyatlari va belgilarini to’g’ridan-to’g’ri yoki bevosita o’lchashga, matematik formallashtirish va kvantifikatsiyaga asoslanuvchi usullar.

MINTAQAVIY IQTISOD — mintaqalarning iqtisodiy rivojlanish darajasining hamda ularning iqtisodiy qudratidagi farqlarning mintaqalar siyosatiga ta’sirini o’rganadi.