Bo'lim: M harfiga oid iqtisodiy ensiklopedik atamalar

MOLIYA KAPITALI – bank kapitalining sanoat kapitali bilan qo’shilib yoki bir bo’lib ketishi natijasida vujudga kelgan kapital.

MOLIYA BIRJASI – qimmatbaho qog’ozlar, valyuta oldi-sotdisi bilan savdo-sotiq qiluvchi tashkilot. U fond birjalari deb ham ataladi.

MODIFIKATSIYA QILINGAN TOVAR – tovarning iste’mol xossalariga ijobiy o’zgartirishlar kiritib, ishlab chiqarilgan varianti.

MILLIY VALYUTANING PARITETI – milliy valyuta qiymatining xorijiy valyuta qiymatiga nisbati bo’lib, u hisoblanadigan ko’rsatkich hisoblanadi va milliy valyuta kursini belgilash uchun asos bo’lib xizmat qiladi.

MHT TA’RIFIGA ASOSAN JAMG’ARISH – barcha moliyaviy (mavjud pul mablag’lari, depozitlar, qimmatli qog’ozlar, zayomlar, kreditlar va h.k.) aktivlar va material aktivlar o’sishini anglatadi.

MHT HISOBOT TIZIMI – bozor munosabatlariga asoslangan iqtisodiyot hisobot tizimidir.

MEZON – taqqoslash yoki baholash uchun o’lchov, andoza. Masalan, mehnat – kishi qadr-qimmatining mezonidir.

METODOLOGIYA – dunyoni ilmiy bilish metodi haqidagi ta’limot.

METODIKA – biror ishni tashkil qilishda maqsadga muvofiq qo’llanadigan metodlar.

METOD – l) tabiiy va ijtimoiy hayot hodisalarini tadqiq qilish, bilish usuli; 2) harakat qilish usuli, tarzi.