Bo'lim: M harfiga oid pedagogikaga oid ensiklopedik atamalar

Maxsus qobiliyat – nafaqat bilimlarni egallashda, balki, ijodiy faoliyatida yuksak natijalarga erishishni ta’minlashga qaratilgan shaxs xususiyatlari tizimi.

Maxsus-segretsion ta’lim – muayyan nuqsonga ega bo’lgan bolalarni alohida o’qitish jarayoni.

Maxsus maktab – 1) jismoniy kamchilikka ega bolalarni o’qitish uchun tashkil o’quv muassasasi; 2) muayyan maqsadlarda tashkil etilgan ayrim maktablar.

Mafkuraviy ta’lim-tarbiya – inson, ijtimoiy guruh, millat, jamiyat dunyoqarashini shakllantirishga, ularni muayyan maqsadlarni ifoda etadigan g’oyaviy bilimlar bilan qurollantirishga yo’naltirilgan jarayon.

Mafkuraviy profilaktika-ijtimoiy institutlar tomonidan amalga oshiriladigan turli shakllardagi g’oyaviy-tarbiyaviy, ma’naviy-mafkuraviy ishlar majmui bo’lib, u butun g’oyaviy tarbiya tizimini qamrab oladi.

Mafkuraviy immunitet-shaxs, ijtimoiy guruh, millat, jamiyatni turli zararli g’oyaviy ta’sirlardan himoyalshga xizmat qiluvchi tizim.

Mafkura (arabcha-fikrlash majmui) – muayyan ijtimoiy guruh, qatlam, millat, jamiyat, davlatning manfaatlari, orzulari, maqsadlari ifodalangan qarashlar va ularni amalga oshirish tizimi.

Matn-yozilgan asar, insho, nutq, darslikdagi o’quv materiallari.

Materialistik nuqtai nazardan ma’naviyat-shaxs mayllari tizimida bilishga oid g’oyaviy-ijtimoiy ehtiyojning namoyon bo’lishi.

Matematikaning tanlangan masalalari kursi-matematikaning nazariy muammolarini o’rgatishga qaratilgan bo’limi.