Bo'lim: M harfiga oid pedagogikaga oid ensiklopedik atamalar

Mantiqiy fikrlash-muayyan fikrga asoslangan holda mantiqiy umumlashmalar hosil qilish.

Mangeym maktabi-XVIII asrda Mangeym shahrida (Germaniya)da qaror topgan, sentimentalizmga yaqin bo’lgan ijodiy yo’nalish. Simfoniya hamda kamer cholg’u musiqasi (trio, kvarter va boshqalar) janrlarining shakllanishida muhim rol o’ynagan.

Mantiqiy izchillik-pedagogik bilim va tushunchalarning uzviy bog’langan tadrijiy tizimi.

Malaka oshirish institutlari-Kadrlar malakasini oshirish va ularni qayta tayyorlash institutlari-Xalq xo’jaligining turli sohalarida ishlovchi mutaxassislar va rahbar xodimlarning malakasini oshirish va ularni qayta tayyorlash tizimidagi tashkiliy-metodik va o’quv markazi.

Malaka oshirish, Kadrlar malakasini oshirish va ularni qayta tayyorlash (O’zbekiston Respublikasida)-uzluksiz ta’lim tizimi turlaridan biri, xalq xo’jaligining barcha sohasida ishlovchi mutaxassislar va rahbar xodimlarning kasbiy bilim va ko’nikmalarini yangilash hamda … Read More

Malaka-o’quvchi yoki talabada muayyan o’quv materiali va kasbni chuqur o’zlashtirish natijasida hosil bo’lgan avtomatlashgan mahorat.

Makrotexnologiyalar-muayyan ta’lim tarmoqlari, sohasi, ta’lim yoki tarbiya yo’nalishi, o’quv fanlari (umumpedagogik va umummetodik daraja)ga xos bo’lgan pedagogik texnologiyalar.

Maktabshunoslik-pedagogika fanining maktab ishlarini boshqarish asoslari, yo’l, shakl, vosita, usul va metodlarini tadqiq etish bilan shug’ullanuvchi maxsus sohasi.

Maktabdan tashqari ta’lim muassasalari-yoshlarning mustaqil bilim olishi va rivojlanishini ta’minlash maqsadida tashkil etilgan ta’lim muassasalari.

Maktabdan tashqari ta’lim-ta’limning bo’g’inlaridan biri bo’lib, o’quvchilarning bo’sh vaqtini mazmunli tashkil etish, ularni aqliy, ma’naviy, jismoniy rivojlantirishga yo’naltirilgan ta’lim-tarbiya berish jarayoni.