Bo'lim: M harfiga oid pedagogikaga oid ensiklopedik atamalar

Maktab o’quv jihozlari-maktab mebeli, o’quv qo’llanmalar, tasviriy ko’rsatma materiallar, maktab jonli burchagi kabilar majmui.

“Maktab o’rtoqlik sudi” o’yini-didaktik o’yin turi.

Maktab o’lkashunoslik ishlari-o’quvchi yashayotgan hududning tabiiy shart-sharoiti, sanoati, ijtimoiy-iqtisodiy rivojlanishi bilan tanishtirishga qaratilgan ta’limiy-tarbiyaviy ishlar.

Maktab festivali-o’quvchilarning texnika, adabiyot va san’at, matematika va boshqa sohalarda erishgan yutuqlarini rag’batlantirish maqsadida o’tkaziladigan davriy shodiyona, bayram tadbiri.

Maktab ustaxonasi-umumiy o’rta ta’lim maktablarida mehnatdan amaliy mashg’ulotlar o’tkaziladigan o’quv-moddiy texnika bazasi.

Maktab pedagogikasi-pedagogika fanining umumiy o’rta ta’lim maktablarida o’quvchilarga ta’lim-tarbiya berishning nazariy asoslari va qonuniyatlarini tadqiq etadigan bo’limi.

Maktab partasi-gigiyenik va pedagogik talablarga muvofiq yasalgan, o’quvchilarning dars mashg’ulotlarida o’tirishga mo’ljallangan maktab mebelining asosiy turlaridan biri.

Maktab Nizomi-o’quv-tarbiya va tashkiliy-xo’jalik ishlarida maktab faoliyatini tartibga soluvchi qoidalar majmui.

Maktab nazorat ishlari-o’quvchilar bilim, ko’nikma va malakalarini tekshirish maqsadida ular tomonidan bajariladigan yozma, grafik yoki amaliy ishlarni nazorat qilish jarayoni.

Maktab muzeyi-maktab o’quv-pedagogik jamoasi faoliyati va hayoti haqidagi muhim va qimmatli materiallar ko’rgazmasi tashkil etilgan xona yoki xonalar.