Bo'lim: M harfiga oid tarixga oid ensiklopedik atamalar

Mavoliy (arabcha)-qul, no’kar, ozod etilgan qul. Somoniylar davlatida ozod qilingan qullardan alohida gvardiyalar tuzilib, ular harbiy xizmatda bo’lishgan. Jumladan, Mavoliylar Ismoil Somoniyning gvardiyasida xizmat qilganlar.

Mavkat (arabcha)-o’rta asrlarda musulmon Sharqi mamlakatlarida hukmdorlarni safar, harbiy yurish chog’ida kuzatib boruvchi maxsus suvoriy qism. Odatda, Mavkabda sadoqatli amirlar, din arboblari, xos xizmatkorlar va munshiylar bo’lgan.

Maakond (estoncha)-Qadimgi Estoniyada ma’muriy-hududiy birlik. XIII asrda Estoniya 8 Maakondga bo’lingan: Virumaa, Lyaanemaa, Ryavala, Saaremaa, Sakala, Ugandi, Xaryumaa, Yarvamaa.

Ma-van-qadimgi xitoy mifologiyasida xudo, otlar homiysi. Unga harbiy otliqlar va ot egalari e’tiqod qilganlar.

Maat-misrliklarning haqiqat va tartib-intizom xudosi, Raning qizi, Totning rafiqasi.

Ma-kapladokiyaliklarning hosildorlik xudosi. Unga Krit aholisi ham e’tiqod qilgan.

Muhtasib-musulmon mamlakatlaridagi amaldor. Ko’pincha sayidlardan tayinlangan. U aholining urf-odatlarga amal qilishi hamda bozorlardagi narx navo va o’lchov asboblarining to’g’riligi ustidan nazorat qilib turgan. XIX-XX asrlarda Buxoro muhtasib rais deb ham … Read More

Muhrkanlik-muhr yasash kasbi. Muhrkanlik qadimdan O’rta Osiyoda keng tarqalgan. Amir Temur saroyida, Buxoro, Qo’qon va Xiva xonlari saroyida va boshqa joylarda muhrkanlik ustaxonalari bo’lgan. Muhrkanlar xonlikdagi turli idora va muassasalar … Read More

Muhrdor-podshoh, xon va sultonlar saroyidagi yirik mansabdor. Uning zimmasiga muhrni saqlash va yorliqlarga muhr bosish vazifasi yuklatilgan.

Muhosara-qamal.