Bo'lim: T harfi

TESKARI TRIGONOMETRIK FUNKTSIYALAR — arcsinx, arccosx, arctgx, arcctgx, arcseox, arccosex x funktsiyalar. Teskari trigonometrik funktsiyalarning xossalari maktab matematika kursida o’rganiladi.

TESKARI SON — berilgan son bilan ko’paytmasi 1 ga teng son. Masalan, 2 ga teskari son 4; 4 ga teskari son t; -4 ga teskari son 4 va hokazolar.

TESKARI PROPORTSIONAL MIQDORLAR — ikki miqdor orasidagi eng sodda bog’lanishlardan biri. Bunda bir mikdor necha marta ortsa (kamaysa), ikkinchi miqdor shuncha kamayadi (ortadi).

TESEY (Tezey) — Afinaning afsonaviy qahramoni va shoxi (miloddan avvalgi taxminan 13-asr). Antik davr rivoyatlari bir qator afsonaviy jasoratlarni Tesey nomi bilan bog’laydi (amazonkalar bilan bo’lgan urushda va argonavtlar safarida … Batafsil

TERSIYA (matbaada) bosmaxona shrifti. O’lchami (kegli) 16 punkt (6,02 millimetr) ga teng. Kitoblar, jurnallar, gazetalarda sarlavhalarni, muqovalar va titul varaqlarda nashr nomini terish uchun ishlatiladi.

TERSET (lotincha tertius — uchinchi) — uch xonandadan tashkil topgan ansambl, shuningdek, ular ijrosiga mo’ljallangan asar nomi (odatda, opera, operetta, kantata janrlaridagi asarlarning tarkibiy qismi). 3 ta ijrochi (sozanda)ga mo’ljallangan … Batafsil

TERT — yem (kepak, kunjara) va dag’al ozuqa (xashak, somon va boshqalar) ning aralashmasi. Xashak suvda 2— 3 marta yuvilib, 25% gacha yem va mol boshiga 30 gramm osh tuzi … Batafsil

TERS AYVON — uyning soya (shimol) tomoniga, quyoshga teskari qurilgan ayvon. Asosan, Xorazm xalq turar joy me’morligida keng tarqalgan.

TERRIGEN YOTQIZIQLAR (lotincha terra — yer, …gen) — quruqlikdagi chaqiq jinslar va mineral donachalarining dengiz, Laguna va ko’l tublariga shamol, daryo va boshqa vositalar orqali keltirilib, to’planishidan hosil bo’lgan qatlam.

TERMOFIL O’SIMLIKLAR (termo… va Yunoncha phileo — sevaman) — issiqsevar, past harorat (Q1 ° -6°)da o’sa olmaydigan o’simliklar. Termofil o’simliklarga issiq mamlakatlarda tarqalgan sholi, bodring, g’o’za va boshqalar kiradi.