Bo'lim: T harfiga oid fuqarolik jamiyatiga oid ensiklopedik atamalar

TALASSOKRATIYA (yun. talassa – dengiz) — dengiz kuchiga asoslangan hukmronlik turi. Davlatni dengiz hususiyatlaridan kelib chiqib aniq geosiyosiy oriyentatsiya bilan boshqarish.

TAKTIKA (yun. tasso – saflayman) — belgilangan maqsadga erishish uchun ishlatiladigan vosita va usullar majmuasi.

TAKFIR — vahhobiylar (aqidapast va ekstremistik oqimlar vakillari) fikriga qo’shilmaydigan hamma musilmonlarni dinsizlikda ayblash.

TAJRIBA — voqelikni amaliy jihatdan hissiy-empirik bilish jarayoni.

TAFAKKUR—inson aqliy faoliyatining yuksak shakli; ob‘yektiv voqelikning ongda aks etish jarayoni.

TADBIQIY POLITOLOGIYA — siyosiy fanning yo’nalishlaridan biri. U bevosita siyosiy jarayonlarni o’rganish, ular to’g’risida hukm yuritish va aniq xulosalar asosida tavsiyalar ishlab chiqish bilan shug’ullanadi. Tadbiqiy politologiya bixevioristik yo’nalish asosida … Batafsil

TABU — (polinez) 1) biror narsa, harakat, so’z va boshqaga solinadigan diniy taqiq. Uni buzish go’yo faloqatga olib kelishi mumkin; 2) taqiqlangan narsalar, savollar, fikrlar, so’zlar va hokazo.

TAKLIF — davlat va jamiyat faoliyatini takomillashtirishga doir tavsiyalarni o’z ichiga olgan murojaat.