Bo'lim: T harfiga oid pedagogikaga oid ensiklopedik atamalar

Ta’lim metodikasi-muayyan o’quv predmetini o’qitishning ilmiy asoslangan metod, qoida va usullar tizimi.

Ta’lim markazlari-kasbiy (yoki mehnat) ta’limi, shuningdek, tabiiy fanlar (kimyo, fizika) mutaxassisligi bo’yicha tashkil etilgan ta’lim muassasasi.

Ta’lim makoni-ta’lim jarayoni amalga oshiriladigan joy, hudud, maydon.

Ta’lim mazmuni-o’quvchilarni haqqoniy, ilmiy dalillar, tushunchalar, qonuniyatlar, nazariyalar bilan tanishtirishga qaratilgan bilim tizimi.

Ta’lim kursi-1) o’qitishning yakunlangan bosqichi; 2) muayyan o’quv predmeti yoki fan bo’yicha aniq bilim, ko’nikma va malakalar qamrovi; 3) umumiy o’rta yoki oliy ta’lim muassasalaridagi muayyan o’qitish bosqichi.

Ta’lim innovatsiyalari-xilma-xil tashabbuslar va yangiliklar asosida vujudga kelgan, ta’limning rivojlanishi uchun istiqbolli hisoblanib, keng multimadaniy ta’lim makoni taraqqiyotiga ijobiy ta’sir ko’rsatadigan, dolzarb ahamiyatga molik tizim hosil qiluvchi yangi pedagogik hodisalar.

Ta’lim jarayonini loyihalash strategiyasi-loyihachi tomonidan rejalashtirilgan faoliyatning texnik vazifalariga muvofiq muayyan ketma-ketlikda amalga oshirish tizimi. Pedagogik faoliyatni loyihalashda bir qator strategiyalar qo’llaniladi. Har bir strategiya ta’lim jarayonini loyihalashda muayyan xususiyatga … Batafsil

Ta’lim jarayonini loyihalash-o’qituvchi tomonidan ishlab chiqiladigan ta’lim jarayonining texnologik tuzilma, uning natijasini ta’minlovchi metod va vositalar yig’indisi.

Ta’lim dasturi-ta’limning muayyan yo’nalishi, bosqichi va darajasiga ko’ra belgilan berilgan ta’lim mazmuni.

Ta’lim jarayoni monitoringi-kompyuter texnologiyalari majmuida foydalanish asosida, ta’lim jarayoni borishi, natijalari va samaradorligini uzluksiz kuzatish va to’plangan ma’lumotlarni qayta ishlash jarayoni.