Bo'lim: T harfiga oid pedagogikaga oid ensiklopedik atamalar

Ta’lim oluvchilarning yakuniy davlat attestatsiyasi-DTS da belgilangan ta’lim me’yorlariga ko’ra ta’lim oluvchilarning o’zlashtirish darajalarini aniqlash tartibi. Uning natijalari asosida ta’lim oluvchilarga ma’lumoti haqidagi hujjat (shahodatnoma, attestat, guvohnoma, diplom) taqdim etiladi.

Ta’lim ob’yekti-fikriy o’xshashlikning belgili tizim vositasida shakllantiriladigan ta’limning yaxlit amaliyoti yoki ayrim jihatlarini chizma shaklidagi ifodasi.

Ta’lim olishning to’lov-kontrakt shakli-o’z hisobidan muayyan shartnoma asosida, pul to’lab tahsil olish shakli.

Ta’lim muassassi Nizomi-muassasa yoki uning tarkibiy bo’linmalari tuzilishi, huquqi, vazifalari, burchlari, ta’lim jarayonini tashkil etish va boshqarish tartiblarini belgilaydigan huquqiy-me’yoriy hujjat.

Ta’lim muassasalari-turli daraja va yo’nalishdagi ta’lim dasturlarini amalga tatbiq etuvchi munitsipial, xususiy davlat muassasalari.

Ta’lim monitoringi-ta’limdagi biror jarayonni baholash maqsadida maxsus tashkil etilgan muntazam kuzatuv va nazorat qilish.

Ta’lim metodi-voqelikni amaliy va nazariy egallash, o’zlashtirish, o’rganish, bilish uchun yo’l-yo’riqlar, usullar majmuasi, pedagogik bilimlarni yaratish va asoslash usuli.

“Ta’lim menejmenti” jurnali-ta’limni boshqarish muammolariga bag’ishlangan ilmiy-metodik qarashlarni yorituvchi maxsus nashr.

Ta’lim menejmenti-1) ilmiy asosda tashkil etilgan, o’ziga xos izchillikka asoslangan boshqaruv; 2) boshqaruvni turli xil modellar asosida amalga oshiruvchi rahbar, pedagogik, jamoa va o’quvchilarning o’zaro munosabati.

Ta’lim menejeri-ta’lim muassasini zamonaviy menejment Qonunlariga muvofiq boshqaruvchi mutaxassis.