Bo'lim: U harfiga oid fuqarolik jamiyatiga oid ensiklopedik atamalar

UMUMINSONIY QADRIYATLAR — butun insoniyatning tajribasini ifodalovchi va qandaydir farqlanishlar bo’lishidan qat‘iy nazar barcha odamlar uchun mushtarak bo’lgan dunyoqarashning ideallari yoki axloqiy normalar.

ULUSBEGI — ulus hokimi. XIII – XVIII asrlarda O’rta Osiyoda Ulusbegi o’z ulusida oddiy hukmdor nomidan ish yurgizgan. Ulusbegi lavozimiga, odatda, xonning qarindosh urug’lari tayinlangan. Ulusbegi oliy hukmdorning har xil … Read More

ULAMO (arab. bilimdon) — islom ilohiyotchilari va huquqshunos (fiqh)lari, shuningdek, diniy muassasalarga, sud (qozilik) mahkamalariga, o’quv yurtlariga mutasaddi bo’lgan barcha islom dini olimlari.

UZURPATSIYA (lot. egallab olish) — hokimiyatni zo’rlik bilan egallab olish va qo’lda tutib turish.

UAYTXOLL (ing. witehall) — Londondagi ko’cha bo’lib, unda bir nechta hukumat idoralari joylashgan. Ko’chma ma‘noda Uaytxoll deganda odatda Buyuk Britaniya hukumati tushuniladi.

UTILITAR RESURSLAR — hokimiyatning asosini tashkil etuvchi vositalardan biri. Bu kishilarning kundalik ehtiyojlari va talablarini qondirish bilan bog’liq bo’lgan moddiy va boshqa ijtimoiy vositalardir. Bu vositalardan kishilarni rag’batlantirish uchun ham, … Read More

URF-ODAT VA RASM-RUSMLAR — kishilar turmushiga singib ketgan, doim takrorlanib turadigan hatti-harakat, ko’pchilik tomonidan qabul qilingan xulq-atvor qoidalari va ko’nikmalar.

UMUMIY SAYLOV HUQUQI — qonun belgilangan yoshga yetgan barcha fuqarolarning davlat hokimiyati organlarini saylashda ishtirok etish huquqi.