Bo'lim: U harfiga oid iqtisodiy ensiklopedik atamalar

UMUMIY ZAXIRALAR – bunday zaxiralar kredit portfeli uchun tashkil etiladi. Umumiy zaxiralar kredit portfeliga xos bo’lgan yashirin tavakkalchilikdan himoya qilish maqsadida tashkil etiladi. Ular odatda ssuda bo’yicha qarzdorlik summasiga nisbatan … Read More

UMUMIY XARAJATLAR – korxonaning mahsulot ishlab chiqarish uchun sarflangan barcha xarajatlari yig’indisi.

UMUMIY USULLAR – bank risklari miqdorini daromadlariga bog’liq ravishda baholash va bashorat qilish hamda bank Iikvidliligiga nisbatan belgilangan iqtisodiy normativlarni bajarish kiradi.

UMUMIY SUG’URTA – shaxsiy, mulkiy sug’urta, javobgarlikni sug’urta qilish hamda hayotni sug’urta qilish sohasiga taalluqli bo’lmagan boshqa sug’urta turlari.

UMUMIY SIFAT BOSHQARUVI – tashkilotning shunday boshqaruv tizimiki, bu tashkilot mahsulotlarini raqiblarining o’xshash mahsulotlariga nisbatan barcha ko’rsatkichlari bo’yicha raqobatbardoshligi yuqoriligini ta’minlaydi.

UMUMIY NARX – bir xil yoki o’xshash tovarlarga hamma xaridorlar uchun belgilangan bir xil, umumiy narx.

UMUMIY NAFLIK – iste’mol qilingan ne’matlardan olingan jami naflik.

UMUMIY MUVOZANATLIK – barcha bozorlarning o’zaro bir-biriga ta’siri natijasida o’rnatiladigan muvozanatlik. Barcha bozorlarning muvozanat holatida bo’lishi. Bunda biror bozorda muvozanatlik buzulsa boshqa bozorlarda ham muvozanatlik buziladi

USKUNALARNI ZAMONAVIYLASHTTRISH – harakatdagi uskunalar konstruksiyasiga, uning texnik darajasini oshiruvchi hamda texnik va iqtisodiy ko’rsatkichlarini yaxshilovchi sezilarli o’zgarishlar kiritish. Zamonaviylashtirish ikkinchi shakldagi ma’naviy eskirishning oldini olishga ko’maklashadi.

UMUMIY MUVOZANAT TAHLILI – bozor tizimini bir butun, yaxlit holda o’rganish hamma bozorlardagi muvozanatli narxlar va ishlab chiqarish hajmlari o’rtasida bog’liqlikni o’rganish.