Bo'lim: U harfiga oid iqtisodiy ensiklopedik atamalar

UZOQ MUDDATLI ZAYOMLAR – davlat tomonidan olinadigan kredit. Zayom obligatsiyalari bank yoki omonat kassalari orqali aholiga sotiladi. Ma’lum muddatdan so’ng (5 yil) aholiga zayom obligatsiyalari summasi qaytariladi.

UZOQ MUDDATLI IJARA BERUVCHI – ijarachiga haq evaziga mol-mulkni 12 oydan ko’p muddatga egalik qilish va foydalanish yoki foydalanish huquqini beradigan kelishuv.

UZOQ MUDDATLI DEPOZITLAR – jismoniy va yuridik shaxslarning tijorat banklariga bir yildan ortiq muddatga qo’yilgan pul ko’rinishidagi jamg’arma va omonatlar.

UZOQ MUDDAT FOYDALANILADIGAN TOVAR – bir yil yoki undan ko’proq muddat davomida fizik jihatdan normal yoki o’rtacha darajada foydalanilganda doim yoxud ko’p marta ishlatiladigan tovar.

UZOQ MUDDAT DAVOMIDA ISHLATILUVCHI TOVARLAR – iste’molchilarga uzoq vaqt xizmat qiladigan (1 yildan kam) tovarlar. Bunday tovarlarga avtomobil, xolodilniklar va boshqa turdagi maishiy xizmat vositalari kiradi.

UZOQ FOYDALANILADIGAN ISTE’MOL MOLLARI – iste’mol ehtiyoji (maqsadi)ni bir yil yoki undan uzoqroq muddatga ko’p marta yoki doimo qondirish uchun mo’ljallangan tovarlar.

UZLUKSIZ TASODIFIY MIQDOR – qabul qiladigan cheksiz ko’p qiymatli sonlar o’qidagi biror chekli yoki cheksiz oraliqni tashkil qiluvchi miqdor.

UZLUKSIZ OQIM – kirish materiallarini bitta uzluksiz jarayon davomida tugallangan mahsulotga aylantirishga mo’ljallangan (ko’p hollarda avtomatlashgan) oqim tizimi.

UY XO‘JALIKLARINING NATURAL SHAKLDAGI DAROMADLARI – tovar shakliga ega emas va ular o‘z-o‘zini ta’minlashga mo’ljallangan uy xo’jaligi azolari mehnatining natijasidan iborat bo’ladi.

UY XO‘JALIKLARINING ISTE’MOLCHILIK SARFLARI – kundalik tovarlarga foydalaniladigan iste’mol buyumlariga va boshqalarga qilinadigan sarflardir.