Dekret

Dekret (lotincha decretum-qaror)-huquqiy hujjat, hokimiyat organi yoki mansabbor shaxs qarori. Qadimgi Rimda hokimiyatning kollegial organi, xususan, senat, shuningdek, pretorning sudlov masalalari bo’yicha qarorlari Dekret deb nomlangan. Imperiya davrida imperator farmonlari shunday atalgan. Fransiyada Buyuk fransuz inqilobidan so’ng Konventning va respublikaning boshqa qonunchilik organlari qarorlari Dekret nomini olgan. Oktabr to’ntarishidan keyin Rossiyada bir qator qonunchilik hujjatlari Dekret deyilgan. Masalan, Yer to’g’risidagi Dekret, Cherkovni davlatdan va maktabni cherkovdan ajratish to’g’risidagi Dekret va hokazolar.