MINTAYLAR

MINTAYLAR (Theragra) — tre- skasimonlar oilasiga mansub baliqlar urug’i. Uz. 40-55 sm, vazni 1,5 kg gacha, tanasi cho’ziq, orqa suzgichlari 3 ta, anal suzgichlari 2 ta, dum suzgichi qisman 2 bo’lakka bo’lingan. Uzoq Sharq mintayi Tinch okeanning shim. qismidagi bering bo’g’ozidan boshlab Koreyaga va shim. Ka- liforniyagacha bo’lgan dengizlarda 500— 700 m chuqurlikda yashaydi. 3-4 yilda jinsiy voyaga etadi. Bahorda Koreya, Saxalin, Kamchatka sohillari yaqinida uvildiriq tashlaydi. Ikrasi mayda va pelagik bo’ladi. Qisqichbaqasimonlar va mayda baliqlar b-n oziqlanadi. Ko’psonli, ko’plab ovlanadi.